حذف البيانات

صاحب متجر

ابعتلنا من الإيميل المسجّل فيه حسابك واطلب حذف الحساب أو متجر معيّن. بنتأكد إنك صاحبه وبنحذف خلال ٣٠ يوم: المتجر ومنتجاته وطلباته ومحادثاته وزبائنه وملفاته.

قبل الحذف بتقدر تصدّر بياناتك من «الإعدادات ← الاستيراد والتصدير».

زبون متجر

محادثاتك وطلباتك تابعة للمتجر اللي تعاملت معه. اطلب منه الحذف، وهو بيقدر يمسح محادثتك وبياناتك من لوحته.

لو ما رد خلال وقت معقول، تواصل معنا واذكر اسم المتجر ورقمك، وبنتابع معه.

لو ربطت حسابك بفيسبوك أو إنستغرام

لما المتجر بيفصل الربط من «واتساب والقنوات»، بنمسح مفاتيح الوصول فورًا. وبتقدر كمان تشيل التطبيق من إعدادات فيسبوك ← التطبيقات والمواقع، وتبعتلنا طلب حذف للبيانات اللي وصلت عن طريقه.

شو بيضل

النسخ الاحتياطية المشفّرة بتنتهي لحالها خلال ٦٠ يوم كحد أقصى. وأي سجل القانون بيلزمنا نحتفظ فيه بنحتفظ فيه بس للمدة المطلوبة.