شروط الاستخدام

الخدمة

المنصة بتعطيك لوحة تحكم لمتجرك، موقع، ومساعد مبيعات بيرد على زبائنك على القنوات اللي بتربطها. الميزات والحدود حسب باقتك.

حسابك

أنت مسؤول عن صحة معلوماتك وعن سرية كلمة السر وعن أي إشي بيصير من حسابك أو من حسابات فريقك.

متجرك ومسؤوليتك

أنت البائع، مش المنصة. الأسعار والمنتجات والتوصيل والاسترجاع والفواتير والضرائب كلها مسؤوليتك.

ممنوع بيع إشي ممنوع قانونيًا، أو مزيّف، أو بيعتدي على حقوق غيرك، وممنوع تستعمل القنوات لرسايل مزعجة (سبام).

أنت مسؤول تحصل على موافقة زبائنك قبل ما تراسلهم، وتلتزم بشروط واتساب وMeta وتيليجرام.

مساعد المبيعات

المساعد بيرد من معلومات متجرك، بس ممكن يغلط. راجع إعداداته والأجوبة المعتمدة، والطلب ما بيتأكد إلا بتأكيد الزبون. تكلفة مزود الذكاء اللي بتختاره عليك حسب حسابك عنده.

الاشتراك

الاشتراك حسب الباقة والمدة اللي بتتفق عليها معنا. لو انتهى أو توقّف، اللوحة والموقع بيوقفوا لحد التجديد، وبياناتك بتضل محفوظة.

إيقاف الحساب

بنقدر نوقف متجر بيخالف هاي الشروط أو القانون أو بيضر المنصة أو غيره. وأنت بتقدر توقف وتطلب حذف حسابك بأي وقت.

حدود المسؤولية

بنعمل جهدنا تضل الخدمة شغّالة وبياناتك محمية، بس الخدمة بتنقدّم «زي ما هي». ما بنتحمّل خسارة أرباح أو أضرار غير مباشرة، ومسؤوليتنا بأي حال ما بتتعدّى قيمة اشتراكك بآخر ثلاث شهور.

تغييرات

ممكن نعدّل الشروط. التعديل المهم بنكتبه هون، واستمرارك بالاستعمال بعده يعني موافقتك.